Namangan shahridagi “Quyoshcha” oilaviy nodavlat bog‘chasida yosh bola basseynga tushib ketib, nobud bo‘ldi.

Ma’lum qilinishicha, 2022-yil 7-mayda tug‘ilgan G‘ofurov Muhammadbobur Bobur o‘g‘li muassasa hovlisidagi suv to‘la yasama bolalar basseyniga tushib ketib vafot etgan. Voqea 2024-yilning 10-iyul kuni sodir bo‘lgan.

Tergov-surishtiruv jarayonida ma’lum bo‘lishicha, bog‘cha direktori Nuriddinova Jamila 3 yoshga to‘lmagan Muhammadbobur G‘ofurovni biron-bir hujjatlarsiz muassasasiga qabul qilib olgan.

Ota-ona nega farzandini vaqtli bog‘chaga berib, hujjatlashtirish masalasiga loqayd qaragani esa noma’lum.

Namangan shahar sudi tomonidan bog‘cha mudirasi Nuriddinova Jamila 1-yil mansab lavozimi egallash huquqidan mahrum qilinib, 2-yil muddatga ozodlikdan cheklangan.

• Maktabgacha ta'lim vazirligi
• Namangan