Joriy yil 1-3-iyul kunlari Germaniyaning Axen shahrida ot sportining konkur yoʻnalishi boʻyicha yoshlar oʻrtasida xalqaro musobaqa boʻlib oʻtdi.

Musobaqada dunyoning 30 ta mamlakatidan 30 nafar saralangan sportchilar gʻoliblik uchun bahs olib bordilar.

Ular oʻzbekistonlik isteʼdodli chavandoz Abdurahmon Abdullayev ham Osiyo terma jamoasi tarkibida ishtirok etdi.

Qayd etilishicha, mazkur xalqaro turnirda Osiyo vakillaridan tashqari Afrika, Shimoliy va Janubiy Amerika, Avstraliya hamda Yevropa qitʼasi terma jamoalari ham oʻz omadini sinab koʻrishdi.

Yakuniy natijalarga koʻra, Shimoliy Amerika terma jamoasi umumjamoa hisobida 1-oʻrinni egalladi va oltin medalga sazovor boʻldi.

Yevropa vakillari kumush, Afrika qitʼasi ot sporti ustalari esa bronza medalini qoʻlga kiritishdi. 4-oʻrinni Osiyo yoshlar terma jamoasi egalladi.

Shaxsiy birinchilikda dunyoning 30 nafar eng yaxshi yosh konkurchilari orasida sportchimiz Abdurahmon Abdullayev 19-oʻrinni egalladi.

• Ot sporti
• O‘zbekiston