Bugun, 3-iyun kuni “Haj – 2022” mavsumiga tayyorgarlik ko‘rish yuzasidan brifing bo‘lib o‘tdi. Unda haj safari boshlanish kuni ham maʼlum qilindi.

Qayd etilishicha, O‘zbekiston ziyoratchilari shu yil 18-iyun kuni “Uzbekistan Airways” aviakompaniyasining so‘nggi rusumdagi zamonaviy havolaynerlari orqali Saudiya Arabistoniga parvoz qiladi. Muborak safarga jo‘nash aviaqatnovlari shu yil 30-iyunga qadar davom etadi.

Ziyoratchilar mamlakatning 7 ta hududi – Toshkent, Namangan, Samarqand, Qarshi, Buxoro, Urganch va Nukus shaharlaridan tashish reja qilingan.

 Barcha reyslar to‘g‘ridan-to‘g‘ri Madina shahriga amalga oshiriladi.

Maʼlumot uchun, ziyoratchilarning O‘zbekistonga qayttishlari joriy yil 14–31-iyul kunlariga rejalashtirilgan.

Eslatib o‘tamiz, bir muddat avval, Hajga borish uchun yosh chegarasi 65 yoshgacha etib belgilangani aytilgan edi. Ushbu yosh chegarasiga 1957-yil 30-iyun kunigacha tug‘ilgan insonlar kiradi.  

• Din ishlari bo‘yicha qo‘mita
• Haj
• O‘zbekiston