Biroq, Putin Fransiya fuqarolaridan necha kishi Rossiyaning Ukrainadagi bosqinida ishtirok etayotganiga aniqlik kiritmagan.

“Hozirgi kunda ham Fransiya Respublikasining ba’zi fuqarolari maxsus harbiy operatsiya hududida bizning askarlarimiz bilan yelkama-yelka jang qilmoqda. Ular o‘z bo‘linmalarini buyuk bobolari nomi bilan “Normandiya-Neman” deb atagan”, — degan Rossiya prezidenti.

Avvalroq “Важние истории” nashri Ukrainada Rossiya tomonida kamida 48 mamlakatdan yollanma harbiylar jang qilayotgani haqida xabar bergan edi. Jurnalistlar shu vaqt ichida Moskvadagi saralash punktidan o‘tgan 1300 dan ortiq xorijliklarning kelgan davlatini aniqlagan.

Qayd etilishicha, eng ko‘p yollanma jangchilar Janubiy va Sharqiy Osiyo mamlakatlaridan (771 kishi). Ikkinchi va uchinchi o‘rinlarda sobiq SSSR mamlakatlari (523 kishi) hamda Afrika davlatlari fuqarolari (72 yollanma jangchi).

Nashrga ko‘ra, Rossiyaga jang qilish uchun borayotganlar orasida Moskva tomonidan “do‘st bo‘lmagan” deb e’lon qilingan davlatlardan bo‘lganlar ham bor. Ular orasida AQSh (2 kishi), Latviya (4), Fransiya (2), Italiya (2) fuqarolari mavjud.

• Fransiya
• Rossiya
• Ukraina
• Urush
• fuqaro