AQSh prezidenti Donald Trampning so‘zlariga ko‘ra, garchi Rossiya qo‘shinlari hujumlarni davom ettirayotgan bo‘lsa-da, Vladimir Putin Ukraina urushini to‘xtatishni istaydi.

Tramp ABC News’ga bergan intervyusida Rossiya prezidentiga ishonishi mumkinligi haqidagi bevosita savolga javob berishdan bosh tortdi.

“Men sizga ishonmayman. Men juda ko‘p odamlarga ishonmayman, lekin Putin menga hurmat bilan qaraydi, deb hisoblayman. Putinning orzusi butun Ukrainani egallash edi. Agar men saylovda g‘alaba qozonmaganimda, Putin butun Ukrainani qo‘lga kiritgan bo‘lardi... Men tufayli u urushni to‘xtatishga tayyor”, — deya fikr bildirdi Qo‘shma Shtatlar rahbari.

Shuningdek, Tramp “Putinning Ukraina shaharlariga raketalar otayotganini ko‘rib xursand bo‘lmaganini” aytib, Rossiya prezidenti unga “biroz aldov bilan ta’sir ko‘rsatayotgan bo‘lishi mumkin”ligini ham tan olgan.

• Putin
• Rossiya
• Tramp
• Ukraina
• Urush