Oʻzbekiston bosh vaziri oʻrinbosari, energetika vaziri Joʻrabek Mirzamahmudov Rossiya bilan tabiiy gaz boʻyicha hamkorlik hech qanday siyosiy shartlar asosida emas, faqatgina tijoriy kelishuv boʻyicha shartnoma tuzilishini aytgan edi.
Rossiya prezidenti matbuot kotibi Dmitriy Peskov ham Mirzamahmudovning fikrlarini tasdiqladi. Uning taʼkidlashicha “siyosiy shartlar evaziga gaz” haqida hech qanday soʻz ketmayapti.
Maʼlum qilinishicha, gap tijoriy tomon, ishtirokchi mamlakatlar manfaatlariga mos harakatlarni muvofiqlashtirish haqida bormoqda.
Prezident matbuot kotibi Rossiya, Qozogʻiston va Oʻzbekiston oʻrtasidagi gaz boʻyicha uch tomonlama hamkorlik haqida ham toʻxtaldi.
“Har qanday davlat oʻz energoresurslarini sotishda tijoriy shartnomalarga asoslanadi. Hech kim gaz evaziga siyosiy shartlar qoʻyilishi haqida gapirmadi, bu haqda umuman gap boʻlishi mumkin emas”, — dedi u.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!