Buyuk Britaniya bosh vaziri Kir Starmer migratsiya qonunchiligida keng ko‘lamli islohotlarni e’lon qildi.

Hukumat doimiy yashash huquqini olish uchun mamlakatda yashash muddatini besh yildan o‘n yilgacha oshirishni taklif qildi. Shu bilan birga, Buyuk Britaniya ish vizalariga da’vogarlar uchun ish haqi chegaralarini va malaka talablarini oshiradi.

Britaniya universitetlarining chet ellik bitiruvchilariga hozirgi ikki-uch yil o‘rniga mamlakatda 18 oy qolishga ruxsat beriladi. Ish beruvchilar va universitet rahbariyati uchun migratsiya qonunlarini buzganlik uchun moliyaviy sanksiyalar qo‘llaniladi.

So‘nggi yillarda Buyuk Britaniyaga sof migratsiya yiliga 700 ming kishidan oshdi.  So‘nggi mahalliy saylovlarda migratsiyani cheklash tarafdori bo‘lgan “Reform UK” partiyasi o‘z pozitsiyasini keskin mustahkamladi.

• Buyuk Britaniya
• Migratsiya