Bundan bir necha kun avval o‘zbekistonlik bloger Ozod Xurramov Dubayga oilaviy ko‘chib ketgani haqida xabar bergan edi. U Dubayda yangi hayot boshlashga qaror qilgan edi. Bir kun avval bloger o‘z sahifasida firibgarlar qurboniga aylangani haqida ma’lum qildi.
“Meni aldab, 14 ming dollarimni olib ketishdi. Dubayga kelishimdan bir necha kun oldin men kvartirani bron qildim, chunki uni boshqa odamga berib yuborishlari mumkin edi. Men dunyoga mashhur platforma orqali bron qildim. Ko‘chib o‘tish vaqti kelganida va men kvartiraning manzilini so‘raganimda, ular menga javob berishni to‘xtatishdi. Endi oilam bilan ko‘chada qoldik. O‘zim bilan faqat naqd 6 ming AQSh dollari olib kelgandim, hozir qo‘limda 1,8 ming AQSh dollari qolgan”.
Bloger o‘z obunachilaridan kartaga pul jo‘natib, unga moliyaviy yordam berishlarini so‘ragan. Ko‘pchilik foydalanuvchilar uning harakatlarini tanqid qilishgan.
Insta-bloger Maryam Tillayeva vaziyatga izoh berishga qaror qildi. Maryam shunga o‘xshash vaziyatga duch kelganini aytib, pulni qanday qaytarish bo‘yicha maslahat berdi. Ammo vahimaga tushib, obunachilardan yordam sorash to‘g‘ri yo‘l emasligini tushuntirdi.
“Menimcha, obunachilardan pul so‘rash mutlaqo to‘g‘ri emas. Siz blogersiz, yigitsiz, sizga reklama berishadi, Toshkentda kvartirangiz, mashinangiz va jamoangiz bor. Siz yordamsiz ham vaziyatda chiqa olasiz”, deb yozgan u.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!