Amerika Qo‘shma Shtatlari prezidenti Donald Tramp AQSh va Xitoy rasmiylari 9-iyun kuni Londonda uchrashib, ikki davlat o‘rtasidagi savdoni muhokama qilishini ma’lum qildi. Bu haqda CNN xabar berdi.

“G‘aznachilik kotibi Skott Bessent, savdo vaziri Govard Lyutnik va Amerika Qo‘shma Shtatlari savdo vakili, elchi Jeymison Gir 2025-yil 9-iyun, dushanba kuni Londonda Xitoy vakillari bilan Savdo bitimiga ishora qilgan holda uchrashishini mamnuniyat bilan ma’lum qilaman”, – deb yozdi Tramp Truth Social ijtimoiy tarmog‘ida.

Tramp va Si Szinpin 5-iyun kuni 90 daqiqa davomida telefonda suhbatlashgan. Muloqotdan so‘ng AQSh prezidenti davom etayotgan savdo ziddiyatlari tez orada bartaraf etilishi mumkinligini bildirgan.

Xitoy TIV Bosh vazir o‘rinbosari Xe Lifen Londondagi muzokaralarda Pekin nomidan ishtirok etishini ma’lum qilgan. Tramp ma’muriyati va Xitoy o‘rtasida 12-may kuni Jenevada bo‘lib o‘tgan so‘nggi muzokaralar jahon savdo urushi uchun katta burilish nuqtasi bo‘ldi. Unda ikki mamlakat delegatlari savdo bojlarni bekor qilishini aytgan edi.

• AQSh
• Muzokara
• Si Szinpin
• Tramp
• Xitoy
• savdo