OʻzDJTSUda oʻtkazilayotgan musobaqa Respublikaning turli hududlaridan saralangan 50 nafarga yaqin sportchi ishtirok etmoqda.

Bugun Oʻzbekiston davlat jismoniy tarbiya va sport universiteti manejida ilk bor para qilichbozlik boʻyicha oʻtkazilayotgan Oʻzbekiston chempionati boshlandi.

Musobaqada Respublikaning turli hududlaridan saralangan 50 nafarga yaqin sportchi gʻoliblik uchun bahs olib bormoqda.

Qayd etilishicha, ushbu mamlakat chempionatidan koʻzlangan asosiy maqsad – yurtimizda Paralimpiya sport turlari geografiyasini yanada kengaytirish, para qilichbozlik boʻyicha terma jamoa asosini shakllantirish va kelajakda boʻladigan nufuzli xalqaro musobaqalarda munosib ishtirok etishdan iborat.

Para qilichbozlik boʻyicha Oʻzbekiston chempionati 7-iyulga qadar davom etadi.

• Paralimpiya
• Qilichbozlik