Fransiya poytaxti Parij shahrida bo‘lib o‘tayotgan Paralimpiya o‘yinlarining yakunlanishiga oz fursat qolmoqda. Mazkur musobaqada Oʻzbekiston delegatsiyasi 26 ta medal bilan 13-oʻrinni egallab turibdi. Umumjamoa hisobida hozircha 10 ta oltin, 9 ta kumush, 7 ta bronza medal bor.

Xitoy milliy jamoasi esa Parij-2024 Paralimpiya oʻyinlarida muddatidan avval gʻalaba qozondi. Terma jamoa sportchilari 201 ta medal, jumladan, 90 ta oltin, 66 ta kumush va 45 ta bronza medalini qoʻlga kiritdi.

Ikkinchi oʻrinni 110 ta medal – 45 ta oltin, 38 ta kumush va 27 ta bronzaga ega Britaniya terma jamoasi egallab turibdi. Musobaqa 8-sentyabr kuni yakunlansa-da, britaniyaliklar Xitoyga yetib olish imkoniyatiga ega emas.

• Paralimpiya