Joriy yilning 19-yanvar kuni Oʻzbekiston Milliy Olimpiya qoʻmitasida 2023-yil boʻlib oʻtadigan yirik musobaqalarga tayyorgarlik, shuningdek, terma jamoalarda faoliyat olib borayotgan xorijlik mutaxassislar bilan ishlash mavzulariga bagʻishlangan yigʻilish boʻlib oʻtdi.

Unda Yoshlar siyosati va sport vazirining oʻrinbosari Shahrullo Mahmudov, MOQ Bosh kotibi Oybek Kasimov, Qoʻmita raisi oʻrinbosari Sherzod Tashmatov, MOQ raisi maslahatchisi Alisher Karimov, federatsiya va assotsiatsiya masʼullari ishtirok etishdi.

Mutasaddilar yaqinlashib kelayotgan Olimpiya oʻyinlariga 400 nafardan ortiq sportchi bilan tayyorgarlik koʻrilayotgani haqida maʼlum qilishdi.

Tadbir davomida yana bir qator istiqbolli rejalar koʻrib chiqildi. Tez kunda grafik asosida har bir terma jamoalarda faoliyat olib borayotgan xorijlik mutaxassislar bilan hamkorlikning yangi bosqichlari federatsiya mutasaddilari ishtirokida batafsil koʻrib chiqilishi haqida kelishib olindi.

• Olimpiada
• O‘zbekiston
• Parij