Parijda bo‘lib o‘tayotgan 2024-yilgi yozgi Olimpiya o‘yinlarining bugun, 10-avgust sanasiga ko‘ra, O‘zbekiston terma jamoasi umumiy 8 ta medal bilan Olimpiada reytingida 14-o‘rinda bormoqda.
Markaziy Osiyo mamlakatlari ichida O‘zbekiston peshqadamlik qilmoqda. Qozog‘iston 7 ta medal bilan 36-o‘rinda, Qirg‘iziston 4 ta medal bilan 70-o‘rinda, Tojikiston esa 3 ta medal bilan 77-o‘rinda bormoqda.
Shuningdek, O‘zbekiston delegatsiyasi MDH mamlakatlari ichida birinchi, Osiyo qit’asida esa to‘rtinchi o‘rinni band qilib turibdi.
Ma’lumot uchun, umumiy reytingda AQSh (111 ta medal) peshqadamlik qilmoqda. Xitoy (83 ta medal) va Avstraliya (48 ta medal) mamlakatlari esa kuchli uchlikdan joy olgan.
Eslatib o‘tamiz, O‘zbekiston terma jamoa hisobida hozirgacha 5 ta oltin va 3 ta bronza medallari bor. Boks — 3 ta oltin, kurash — 1 ta bronza, dzyudo — 1 ta oltin, 2 ta bronza, taekvondo — 1 ta oltin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!