Toshkent shahar, Mirzo Ulug‘bek tumanidagi temir yo‘l hududida vagon ustiga chiqqan erkakni kuchli tok urgan. Bu haqda IIV Transport va turizm obyektlarida xavfsizlikni ta’minlash departamenti xabar berdi.

Qayd etilishicha, 2-sentyabr kuni, soat 20:25 larda murojaat kelib tushgan. Xabarga ko‘ra, bir nafar fuqaroni tok urgan. Shundan so‘ng, ushbu fuqaroga birinchi yordam ko‘rsatilib, 16-shifoxonaga olib borilgan.

Aniqlanishicha, jabrlanuvchi shaxs poyezd ustiga bekorchilikdan chiqqan. Shifokorlar esa bemorning 80 foiz tanasi kuyganini aytmoqda.

• Baxtsiz hodisa
• Poyezd