Fransiyaning Parij shahrida yozgi Olimpiada o‘yinlari davom etmoqda. Mazkur musobaqaning kecha, 10-avgust kungi bahslardan so‘ng, O‘zbekiston delegatsiyasi 3 ta bronza, 2 ta kumush va 8 ta oltin medal bilan 13-o‘ringa ko‘tarilib oldi.

Kechagi bahslarda og‘ir atletikachi Akbar Jo‘rayev hamda taekvondochi Svetlana Osipova kumush medal, bokschilar Abdumalik Halokov va Bahodir Jalolov, erkin kurashchi Razambek Jamalov oltin medal sohibiga aylandi.

Shu tariqa, O‘zbekiston delegatsiyasi 206 ta mamlakat qatnashayotgan Olimpiya o‘yinlarida 13-o‘ringa ko‘tarilib oldi. Bu o‘zbek sporti tarixidagi eng yaxshi natija sifatida tarixga kirmoqda.

Shuningdek, mazkur Olimpiadada o‘zbekistonlik bokschilar 5 ta oltin medal bilan umumiy reytingda ham peshqadam bo‘ldi.

• Bahodir Jalolov
• Boks
• Olimpiada
• Parij