Pekin qishki olimpiya oʻyinlari yakuniga yetdi.

Umumiy medallar jamgʻarmasida Norvegiya 16 ta oltin, 8 ta kumush, 13 ta bronza medallari bilan musobaqani peshqadam sifatida yakunladi.

Germaniya 12 ta oltin, 10 ta kumush va 5 ta bronza medali bilan 2-oʻrinni egalladi. Mezbon mamlakat, Xitoy vakillari esa 9 ta oltin, 4 ta kumush, 2 ta bronza medali bilan 3-pogʻonani band etishdi.

Qayd etish mumkin, Norvegiya soʻnggi bor 2002-yilda Solt Leyk Siti (AQSh)da oʻtkazilgan olimpiya oʻyinlarida medallar jamgʻarmasida birinchi oʻrinni egallagan edi.

Shuningdek, Kanada sportchilari 1988-yildan buyon ilk marotaba medallar jamgʻarmasida kuchli oʻnlikka kira olishmadi.

Eslatib oʻtamiz, avvalroq mazkur Olimpiadada ishtirok etgan oʻzbek sportchisining qayd etgan natijasi xabar berilgan edi.

• Qishki Olimpiada
• Sport
• Xitoy