31°
Kechasi 18°
Kuni kecha, 16-fevral kuni xokkey bo‘yicha Pekin-2022 Olimpiadasining chorak final uchrashuvlari bo‘lib o‘tdi.
Unda Finlyandiya terma jamoasi turnirning 1/4 finalida Shveysariyani mag‘lub etdi (5:1). Slovakiya esa AQSh ustidan 3:2 hisobida zafar quchdi.
Endi yarim finalda Finlyandiya va Slovakiya termalari o‘zaro bahs olib boradi.
Bundan tashqari, Rossiya terma jamoasi Daniyani 3:1 hisobida mag‘lub etib, yarim finalga yo‘l oldi. Amaldagi Olimpiya chempioni hisoblangan ruslar xokkey vatani – Kanadani sensatsion tarzda mag‘lub etgan Shvetsiyaga qarshi muzga chiqadi.
Qayd etish mumkin, kanadaliklar 2006-yildan beri birinchi marta Olimpiadani medalsiz yakunlaydigan bo‘ldi.
2010 va 2014-yillarda Kanada terma jamoasi chempionlikni qo‘lga kiritgan bo‘lsa, 2018-yilgi Pxyonchxan Olimpiadasida jamoa bronza medali bilan taqdirlangan edi.
Ma'lumot uchun, yarim final bahslari 18-fevral kuni bo‘lib o‘tadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
