Yoxannes Be 2022-yilgi Olimpiadaning eng sovrindor sportchisiga aylandi. Norvegiyalik sportchi Pekinda beshta medalni qoʻlga kiritdi, shundan toʻrttasi esa oltin.

Pekinda (Xitoy) XXIV qishki Olimpiya oʻyinlari yakunlandi, musobaqa doirasida yetti sport turi (15 ta yoʻnalish) boʻyicha 109 ta medallar jamlanmasi oʻynaldi. 29 davlat vakillari esa sovrinli oʻrinlarni qoʻlga kiritdi.

Shu bilan birga, 105 nafar sportchi Pekinda bir nechta medallarni qoʻlga kiritishga muvaffaq boʻldi va ulardan 12 nafari uch va undan ortiq Olimpiya oʻyinlari sovrinlariga ega chiqdi.

Qayd etish mumkin, mazkur Olimpiadaning eng unvonli sportchisi norvegiyalik biatlonchi Yoxannes Tingnes Be boʻldi, sportchi toʻrtta oltin, bitta bronza jami 5 ta medalni oʻziniki qildi.

Reytingning ikkinchi oʻrnidan changʻida yugurish boʻyicha beshta medal – uchta oltin, bitta kumush va bitta bronzani qoʻlga kiritgan ROK vakili Aleksandr Bolshunov joy oldi.

Mukofotlar soni boʻyicha kuchli uchlikni, norvegiyalik biatlonchi Marte Olsbi Roiseland yopib berdi. U oʻz vatandoshi Be kabi Pekindan beshta mukofotni qoʻlga kiritgan boʻlsa-da, unda oltinlar soni kamroq yaʼni 3 ta birinchi oʻrin, 2 ta uchinchi oʻrin.

2022-yilgi Qishi Olimpiadaning eng unvonli sportchilari TOP-10:

1. Yoxannes Be (Norvegiya, biatlon) – 4 ta oltin, 1 ta bronza (5 ta medal);

2. Aleksandr Bolshunov (ROQ, changʻida yugurish) — 3 oltin, 1 kumush, 1 bronza (5 medal);

3. Marte Olsbi Roiseland (Norvegiya, biatlon) – 3 ta oltin, 2 ta bronza (5 ta medal);

4. Irene Schouten (Niderlandiya, konkida uchish) — 3 oltin, 1 bronza (4 medal);

5. Tereza Yoxaug (Norvegiya, changʻida yugurish) — 3 ta oltin (3 ta medal);

6. Kventin Fiyon Maillet (Fransiya, biatlon) – 2 ta oltin, 3 ta kumush (5 ta medal);

7-9. Tarjei Be (Norvegiya, biatlon) — 2 ta oltin, 1 ta kumush, 1 ta bronza (4 ta medal);

7-9. Yoxannes Klebo (Norvegiya, changʻida yugurish) — 2 oltin, 1 kumush, 1 bronza (4 medal);

7-9. Syuzan Shulting (Niderlandiya, short-trek) – 2 oltin, 1 kumush, 1 bronza (4 medal);

10-12. Gu Ailing (Xitoy, fristayl) – 2 ta oltin, 1 ta kumush (3 ta medal);

10-12. Yoxannes Strolz (Avstriya, changʻi sporti) — 2 ta oltin, 1 ta kumush (3 ta medal);

10-12. Yorgen Grobak (Norvegiya, togʻ changʻisi) — 2 oltin, 1 kumush (3 medal);

Eslatib oʻtamiz avvalroq, Qishki Olimpiada oʻyinlari yakunlariga koʻra, umumiy medallar jamgʻarmasida qaysi mamlakat gʻalaba qozongani haqida xabar berilgan edi.

• Qishki Olimpiada
• Xitoy