“Barselona” “Atletik” bilan Ispaniya kubogining 1/8 finalida oʻynashi mumkin boʻlgan futbolchilar roʻyxatini eʼlon qildi.

Qaydnomada Usmon Dembele yoʻq. Avvalroq “Barsa” fransiyalik futbolchi shartnomani uzaytirishga rozi boʻlmasa, uni tarkibdan chetlatishi haqida xabarlar tarqalgan edi.

Bugun esa “Barselona” direktori Mateu Alemani Dembelening klubda qolishni istamasligi va “Barsa”ning kelajakdagi loyihasiga sodiq emasligi aniqligini maʼlum qilgan va futbolchining agentlariga Dembele zudlik bilan jamoani tark etishi kerakligini aytgan.

Oʻz navbatida, qaydnomadan avgust oyidan beri maydonga tushmayotgan va ayni paytda jarohatidan forigʻ boʻlgan hujumchi Martin Breytveyt oʻrin olgan.

• Futbol
• Xorij