Bugun, 6-noyabr kuni Oliy Majlis Senatining yangi binosida prezidentlikka qayta saylangan Shavkat Mirziyoyevning inauguratsiya marosimi bo‘lib o‘tmoqda.

Parlament Quyi va Yuqori palatalarining qo‘shma majlisida Markaziy saylov komissiyasi raisi Zayniddin Nizomxo‘jayev Shavkat Mirziyoyevga prezident guvohnomasi va Markaziy saylov komissiyasining shahodatnomasini topshirdi.

Shundan so‘ng, Shavkat Mirziyoyev O‘zbekiston Konstitutsiyasi va Qurʼoni Karimga qo‘lini qo‘ygan holda qasamyod qildi.

“O‘zbekiston xalqiga sadoqat bilan xizmat qilishga, respublika Konstitutsiyasi va qonunlariga qatʼiy rioya etishga, fuqarolarning huquqlari va erkinliklariga kafolat berishga, O‘zbekiston Respublikasi Prezidenti zimmasiga yuklatilgan vazifalarni vijdonan bajarishga tantanali qasamyod qilaman".
Qonunchilikka ko‘ra, Prezident Oliy Majlis palatalari yig‘ilishida qasamyodni qabul qilgan paytdan boshlab o‘z lavozimiga kirishgan hisoblanadi.

• Mirziyoyev