PSJ va hujumchi Kilian Mbappe oʻrtasida yangi shartnoma borasidagi muzokaralar tafsilotlari maʼlum boʻldi.

ABC xabariga koʻra parijliklar 23 yoshli futbolchiga 2023-yilda boshqa klubga oʻtish imkoniyati bilan 2024-yilgacha shartnoma taklif qilmoqda. PSJ prezidenti Nosir Al-Xelayfi Mbappeni Qatarda boʻlib oʻtadigan 2022-yilgi jahon chempionatida jamoa futbolchisi boʻlishini istamoqda.

Kilian “Real”ga yozda tekin transferga oʻtishini aytdi. Agar u PSJda qolsa, Madrid klubidan boshqa yangi takliflarni qabul qilmaydi.

“Real Madrid” xotirjam, lekin klub transferni boshqa kechiktirishni istamaydi va Mbappe buni biladi. Madridliklar Kilian fikrini oʻzgartirishiga ishonmayapti, ammo futbolchi nafaqat PSJ, balki oilasi tomonidan ham bosim ostida.

“Real Madrid” Mbappe bilan oldindan shartnoma boʻyicha rasmiy muzokaralarni boshlaganida PSJni xabardor qilishi kerak. Hujumchi madridliklardan Chempionlar ligasining 1/8 finaligacha faol qadam tashlamaslikni soʻradi.

Maʼlumot uchun, 23 yoshli hujumchi joriy mavsum PSJ safida barcha turnirlarda 26 ta oʻyinda maydonga tushib, 19 ta gol urdi va 12 ta golli uzatmani amalga oshirdi.

• Futbol
• Xorij