PSJ hujumchisi Kilian Mbappe jamoasi Chempionlar ligasidan chiqib ketganidan keyin kelajagi haqidagi savolga javob berdi.

“Kelajagim haqida oʻylayapmanmi? Yoʻq, yoʻq, men xotirjamman. Bu mavsumda men uchun muhim boʻlgan yagona narsa – chempionlikni qoʻlga kiritish. Qolganini keyin koʻramiz”, – deb fikr bildirgan hujumchi.

Eslatma oʻrnida, ikki oʻyindan iborat qarama-qarshilikda PSJ “Bavariya”ga umumiy 0:3 hisobida imkoniyatni boy bergan edi. Mbappening klub bilan shartnomasi 2025-yilgacha moʻljallangan. Futbolchining transfer narxi 180 million yevroga baholanmoqda.

Maʼlumot oʻrnida, joriy mavsumda Mbappe barcha musobaqalarda 31 ta oʻyinda maydonga tushib, 30 ta gol va 8 ta golli uzatmani amalga oshirdi.

• Futbol
• Mbappe
• PSJ