PSJ hujumchisi Kilian Mbappe son qismidagi jarohati tufayli Liga 1 doirasida “Klermon”ga qarshi oʻyinni oʻtkazib yuboradi.

Bu haqda LʼÉquipe nashri Parij klubiga tayanib xabar bermoqda.

Maʼlum boʻlishicha, hujumchi mashgʻulot bazasida qoladi. 72 soat ichida jarohatning aniqroq tafsiloti maʼlum boʻladi.

Eslatib oʻtamiz, oʻtgan mavsumning eng yaxshi toʻpurari joriy mavsumda hali PSJning rasmiy oʻyinlarida ishtirok etmagan.

U sariq kartochkalari tufayli Fransiya Superkubogi uchun “Nant” bilan uchrashuvni (4:0) oʻtkazib yuborgan edi.

Mbappe oʻtgan mavsumda Liga 1ʼning amaldagi chempioni safida barcha musobaqalarda 45 oʻyinda maydonga tushib, 38 gol va 26 golga assistentlik qilgan.

Futbolchining PSJ bilan shartnomasi 2025-yilning 30-iyuniga qadar amal qiladi.

Maʼlumot uchun, 1-tur doirasidagi “Klermon” – PSJ uchrashuvi, 6-avgust kuni Toshkent vaqti bilan soat 00:00da boʻlib oʻtadi.

• Futbol
• PSJ
• Xorij