PSJ hujumchisi Neymar katta taklif boʻlishiga qaramay, Saudiya Arabistoni chempionatida oʻynashni istamayapti.

Footmercato xabariga koʻra, Yaqin Sharq klubi braziliyalik futbolchiga 400 million yevrolik taklif bilan chiqqan, biroq futbolchi rad javobini bergan.

Neymarga faqat ikkita klub qiziqmoqda: uning hozirgi klubi va “Manchester Yunayted”.

Avvalroq ham braziliyalik hujumchi bilan muzokaralar oʻtkazayotgani haqida xabarlarlar tarqalgan edi. Ingliz klubiga oʻtish Qatarlik investorlarning MYuni sotib olishiga boʻliq boʻladi.

Qayd etilishicha, PSJ ish haqi xarajatlarini kamaytirish uchun Neymarni sotishga tayyor. Qolaversa, klub uning xatti-harakatlaridan unchalik mamnun emas.

Klub bilan shartnomasi 2025-yilgacha moʻljallangan. Neymar 2017-yildan beri PSJ safida toʻp tepadi.

Maʼlumot oʻrnida, joriy mavsum futbolchi barcha turnirlarda 29 ta oʻyinda maydonga tushib, 18 ta gol va 17 ta golli uzatmaga mualliflik qilgan.

• Futbol
• Neymar