Moskvada Rossiya Prezidenti Vladimir Putinning har yili o‘tkaziladigan matbuot anjumani to‘g‘ridan-to‘g‘ri translyatsiya qilinmoqda.

An’anaga ko‘ra, davlat rahbari avvaliga iqtisodiy va ijtimoiy ko‘rsatkichlarni ma’lum qildi. Bu yilgi tadbir Moskva Manejida yuzma-yuz tarzda o‘tkazilmoqda.

Davlat rahbari matbuot kotibi Dmitriy Peskov tadbir boshida OAV vakillari Putinga mustaqil tarzda savol berishlari mumkinligini aytgan.

Jurnalistlar an’anaviy savollar qatorida vaksina, jinslar munosabati, uning yaxshi ko‘rgan vaziri haqida ham savollar berildi. 

Vladimir Putin hamdo‘stlik mamlakatlarida rus tiliga munosabat haqidagi savolga Qozog‘iston misolida, mamlakatda rus tilidagi yangi maktablar ochilayotgani, rus tili taraqqiyoti kuzatilayotganini ta’kidladi.

2021-yilgi matbuot anjumanida Rossiya va xorijiy ommaviy axborot vositalarining 500 nafar vakili ishtirok etmoqda.

Vladimir Putinning 2020 yilgi yillik matbuot anjumani COVID-19 pandemiyasi munosabati bilan onlayn tarzda o‘tgan. Tadbir 4 soat 29 daqiqa davom etgan edi. Rossiya rahbari jurnalistlarning 60ta savoliga javob bergan.

• Putin
• Rossiya