Rossiyaning sobiq prezidenti, Rossiya Federatsiyasi Xavfsizlik kengashi raisining amaldagi o‘rinbosari Dmitriy Medvedev Lugansk viloyatiga tashrif buyurib, Vladimir Putin nomidan xavfsizlik masalalari bo‘yicha yig‘ilish o‘tkazdi.

Ijtimoiy tarmoqlarda Medvedev payshanba kuni Lugansk Xalq Respublikasiga tashrif buyurganini, u yerda Lugansk Xalq Respublikasi rahbari Leonid Pasichnik va Donetsk Xalq Respublikasi rahbari Denis Pushilin bilan uchrashganini ma’lum qilgan.

Uning soʻzlariga koʻra, Putin nomidan u yigʻilish oʻtkazgan, unda qatnashuvchilar Rossiya tomonidan bosib olingan hududlarda Ukraina operatsiyasi bo‘yicha ba’zi muammolarni muhokama qilishgan.

Keltirilishicha, Rossiya Federatsiyasi Bosh prokurori Igor Krasnov, Ichki ishlar vazirligi rahbari Vladimir Kolokoltsev, Qurilish vazirligi rahbari Irek Fayzullin, FSB direktori Aleksandr Bortnikov ham ishtirok etgan.

Yig‘ilishda Medvedev LPR va DXR qonunchiligi Rossiya Federatsiyasining qonunlariga asoslangan holda yaratilishi kerak ekanligini alohida urg‘ulagan.

• AQSh
• Medvedev
• Putin
• Rossiya
• Ukraina