Rossiya Prezidenti Vladimir Putin kuni kecha, 23-dekabr kuni bo'lib o'tgan an’anaviy yillik katta matbuot anjumanida jurnalist ekstremizmni targ‘ib qilish, his-tuyg‘ularni haqorat qilish bilan bog‘liq ma’muriy va jinoiy ishlar ko‘payib borayotganini ta’kidlab o‘tgan. Shu munosabat bilan jurnalist kimningdir his-tuyg‘ularini himoya qilish va rassomning o‘zini ifoda etish huquqi o‘rtasidagi chegara qayerda degan savolni Prezidentga bergan.

“O‘lmas polk” saytida Gitler yoki Gimmlerni joylashtirish - bu ijod erkinligimi? Keling masalaning shu tomoni haqida o‘ylab ko‘raylik. Payg‘ambar Muhammadni haqorat qilish - bu nima? Bu ijod erkinligimi? Men o‘ylaymanki, yo‘q. Bu e’tiqod erkinligi va islom diniga e’tiqod qiluvchilarning muqaddas tuyg‘ulariga tajovuz qilish”, - deydi Rossiya prezidenti.

Shuningdek, Putinning so‘zlariga ko‘ra bu yanada keskin, ekstremistik ko‘rinishlarni keltirib chiqaradi.
“Mana ular Parijga borishdi va butun tahririyatni otib tashlashdi” - degan Putin matbuot anjumanida.

• Putin
• Rossiya