Vladimir Putin 5-iyun kuni Sankt-Peterburgda o‘tkazilgan SPIEF matbuot anjumanida: “Rossiya va Xitoy o‘rtasidagi munosabatlar situatsion xarakterga ega emas – ular chuqur manfaatlarga asoslanadi va hozirda XXR Rossiya Federatsiyasining asosiy iqtisodiy hamkori bo‘lib qolmoqda”, deb fikr bildirgan.

“Axir, 15 yil davomida Xitoy bizning asosiy savdo-iqtisodiy hamkorimiz bo‘lib kelgan. Biz munosabatlarimizni bugungi kunning qandaydir opportunistik siyosiy voqealari bilan bog‘liq holda emas, balki undan ancha oldin o‘zaro manfaatlar asosida qurishni boshladik va hozirgi darajaga olib chiqdik”, deb ta’kidladi Rossiya rahbari.

Putin, xususan, Xitoyning ko‘plab sohalarda erishgan noyob yutuqlarini qayd etdi, davlat rahbari o‘z hamkorining kosmik sohadagi muvaffaqiyatlarini ta’kidladi, shuningdek, uning iqtisodiyoti haqida gapirdi.

“Umuman olganda, bu juda ishonchli va tobora yuqori texnologiyaga aylanib bormoqda. Menimcha, bu Xitoy iqtisodiyotini qandaydir tarzda sekinlashtirmoqchi bo‘lgan yoki harakat qilayotgan o‘sha davlatlar yoki ayrim Yevropa davlatlarining katta xatosi”, -dedi Putin.

• Putin
• Xitoy
• Yevropa