Rossiya prezidenti Vladimir Putin Qozog‘iston rahbari Qosim-Jomart To‘qayevga Qorag‘anda viloyatidagi ko‘mir konidagi portlashning fojiali oqibatlari munosabati bilan chuqur hamdardlik bildirdi.

“Hurmatli Qosim-Jo‘mart Kemelevich, Qorag‘anda viloyatidagi ko‘mir konidagi avariyaning fojiali oqibatlari haqida chuqur hamdardlik bildiraman. Iltimos, marhum konchilarning oilalariga hamdardlik va qo‘llab-quvvatlash so‘zlarimni, shuningdek, barcha jabrlanganlarga tezroq tiklanish tilaklarimni yetkazing. Biz yer ostida qolgan konchilarni qutqarishga umid qilamiz”– deyiladi xabarda.

Kostenko konida shanba kuni baxtsiz hodisa yuz berdi, natijada so‘nggi ma'lumotlarga ko‘ra 28 konchi halok bo‘lgan, 18 konchini qidirish davom etmoqda. Avvalroq 252 konchidan 208 nafari yer yuziga olib chiqilgani, ulardan 18 nafari tibbiy yordamga muhtoj ekanligi haqida xabar berilgan edi.

Shanba kuni Qozog‘iston prezidentining matbuot xizmati xabar berishicha, kondagi fojia munosabati bilan 29-oktyabr milliy motam kuni deb e'lon qilingan. Voqeaning holatlarini aniqlash uchun hukumat komissiyasi tuzilgan, unga respublika bosh vaziri Alixon Smailov boshchilik qiladi.

• Hamdardlik
• Putin
• Qozog‘iston
• To'qayev
• portlash