31°
Kechasi 18°
Rossiya prezidenti yordamchisi Yuriy Ushakovning ma’lum qilishicha, Vladimir Putin 11-oktyabr kuni Turkmanistonga amaliy tashrif bilan boradi.
“11-oktyabr kuni prezident Turkmaniston rahbarining taklifiga binoan amaliy tashrif bilan Ashxobodda bo‘ladi. Vladimir Vladimirovich Putin turkman shoiri va mutafakkiri Maxtumquli Firog‘iy tavalludining 300 yilligiga bag‘ishlangan “Davrlar va sivilizatsiyalar aloqasi — tinchlik va taraqqiyot asosi” xalqaro forumida ishtirok etadi”, – dedi Ushakov.
Ta’kidlanishicha, mazkur forumga Qozog‘iston, Qirg‘iziston, Mo‘g‘uliston, Tojikiston va O‘zbekiston yetakchilari ham tashrif buyuradi.
Shuningdek, Rossiya prezidenti Turkmanistonga safari davomida Eron prezidenti Mas’ud Pezeshkiyan bilan uchrashadi.
Ushakovning aytishicha, bu uchrashuv ikki tomonlama masalalarni muhokama qilish uchun ham, albatta, Yaqin Sharqda keskin tus olgan vaziyatni muhokama etish uchun ham katta ahamiyatga ega.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
