Shimoliy Koreya yetakchisi Kim Chen In va Rossiya Prezidenti Vladimir Putin o‘rtasida bugun, 3-sentyabr kuni Pekinda uchrashuv bo‘lib o‘tdi.

“Rossiyaga yordam bera olishimiz mumkin bo‘lsa, buni albatta bajaramiz, bu birodarlik burchimiz va Rossiyaga yordam berish uchun hammasiga tayyormiz”, – degan Kim Chen In.

Putin esa so‘nggi paytlarda ikki mamlakat o‘rtasidagi munosabatlar o‘ziga xos, ishonchli va do‘stona, ittifoqchilik xarakteriga ega bo‘lganini qayd etib, bugungi tadbirlar doirasida Kim Chen In bilan alohida uchrashuv o‘tkazish imkoniga ega bo‘lganidan juda mamnun ekanini bildirgan.

“Sizning tashabbusingiz bilan, KXDRning maxsus bo‘linmalari ikki davlat o‘rtasidagi yangi shartnomaga muvofiq holda Kursk viloyatini ozod qilishda qatnashdi”, — deya ta’kidlagan Putin.

“Men shuni ta’kidlamoqchimanki, sizning qurolli kuchlaringiz va harbiylaringiz oilalari bergan qurbonliklarni biz hech qachon unutmaymiz”, — dedi Putin va Kim Chen Inga Shimoliy Koreya xalqiga minnatdorchilik bildirishni so‘ragan.

• KXDR
• Kim Chen In
• Muzokara
• Pekin
• Putin
• Rossiya