Ijtimoiy tarmoqlarda tarqalgan Qarshi shahrida joylashgan tibbiyot kollejining 5 qavatli qizlar yotoqxonasidan bir qiz oʻzini derazadan tashlaganligi haqida xabarga Bosh prokuroro matbuot kotibi Xayot Shamsutdinov munosabat bildirdi. 

Aniqlanishicha, 30-noyabr kuni soat 19.00larda Qarshi shahrida joylashgan “Abu Ali ibn Sino” nomidagi jamoat salomatligi texnikumining yotoqxonasida yashagan 2-bosqichda oʻqigan talaba qiz (2001 y.t.) yotoqxona 4-qavatidan sakrab oʻz joniga qasd qilgan.

Maʼlum qilinishicha, mazkur holat yuzasidan Qarshi shahar prokuraturasi tomonidan tergovga qadar tekshiruv harakatlari olib borilmoqda.

Shuningdek, marhumaning oʻlim sabablari va ishga aloqador boʻlgan boshqa holatlarga aniqlik kiritish maqsadida sud-tibbiy ekspertizasi tayinlangan hamda ishga aloqador boʻlgan shaxslardan tushuntirish xatlari olinmoqda.

• Bosh prokuratura
• Talabalar