Ijtimoiy tarmoqlarda Qashqadaryo viloyatining Qarshi shahrida kafe yonib ketgani aytilgan videolar tarqaldi. Holat yuzasidan viloyat Favqulodda vaziyatlar boshqarmasi ma’lumot berdi.

Kecha, 27-may kuni soat 21:16 larda Qarshi shahar FVBga Qarshi shahri I.Karimov ko‘chasida joylashgan "ELBRO" kafesi yonayotganligi to‘g‘risida xabar kelib tushgan.

Xabarga ko‘ra, Qarshi shahar FVBdan 2 ta yong‘in-qutqaruv bo‘linmasi voqea joyiga jalb qilinib, soat 21:21 larda hodisa joyiga yetib borgan va yong‘inni to‘liq soat taxminan 21.56 larda bartaraf etgan.

Yong‘indan fuqaro I.E.ga qarashli kafening 80 metr kvadrat maydonda ichki qismi va oshxona jihozlari zararlangan. Hozirda yong‘in sabablari va zarari aniqlanmoqda.

• FVV
• Qashqadaryo
• yong‘in