Bugun, 7-oktyabr kuni soat 15:45 da Qashqadaryo viloyati, Qarshi tumani “Dasht” MFY hududidan o‘tuvchi, “G‘uzor-Qarshi” avtomobil yo‘lida joylashgan avtomobillarga suyultirilgan gaz quyish shoxobchasida “Kamaz-512” rusumli avtomobilidan gaz saqlash yomkostiga gaz quyish vaqtida gaz-havo aralashmasining chaqnashi sodir bo‘lgan. Ushbu chaqnash natijasida yong‘in yuzaga kelgan. Bu haqda viloyat FVV xabar bermoqda.

Qayd etilishicha, 4 ta yong‘in-qutqaruv ekipaji soat 15:56 da hodisa joyiga yetib borib, yong‘in soat 16:00 da o‘rab olingan va soat 16:45 da o‘chirilgan.

Yong‘in natijasida shahobcha binosining 22 kv.m maydonda tom qismi yonib zararlangan. Voqea natijasida tan jarohati olgan va vafot etganlar yo‘q.

Hozirda yong‘in sababi va moddiy zarar miqdori aniqlanmoqda.

• FVV
• Qashqadaryo
• yong‘in