Qashqadaryo viloyati Kitob tumanidagi sport maktabining sobiq direktori 5 yilga ozodlikdan mahrum qilindi. Bu haqda tuman hokimligi Matbuot xizmati ma’lum qildi.

Jinoyat ishlari bo‘yicha Kitob tumani sudida Gʻ.Ostonov raisligida bo‘lib o‘tgan sud majlisida sobiq direktor M.X. ga oid sud ishi ko‘rib chiqildi.

Unga ko‘ra, sudlanuvchi M.X Jinoyat Kodeksining 210-moddasi 2-qismi bilan aybli deb topilib, unga 2 yil muddatga mansabdorlik va moddiy javobgarlik vazifalarida ishlash huquqidan hamda 5 yil muddatga ozodlikdan mahrum qilish jazosi tayinlandi.

Eslatib o‘tamiz, joriy yil 13-avgust kuni DXX hamda Bosh prokuratura huzuridagi Iqtisodiy jinoyatlarga qarshi kurashish departamentining Kitob tumani bo‘limi xodimlari hamkorligida olib borilgan tezkor tadbir davomida tumandagi 2-sonli Bolalar va o‘smirlar sport maktabi direktori M.X ning o‘z xizmat xonasida  fuqaro U.B.dan sport murabbiyi lavozimiga ishga kiritib qo‘yish uchun 1 million 500 ming so‘m miqdordagi pulni pora tariqasida olayotgan vaqtida qo‘lga olingan edi.

• Jinoyat
• Korrupsiya
• Qashqadaryo