Respublikaning janubi viloyatlardan biri Qashqadaryoning Yakkabog‘ tumanida bodom gullagani to‘g‘risida ma’lumotlar paydo bo‘lmoqda.

Iqlim o‘zgarishlari bo‘yicha mutaxassis Erkin Abdulahatovning ta’kidlashicha, oxirgi ikki uch kunlikda respublikaning katta qismida aprel oyining o‘rtalariga xos iliq, bahoriy havo kuzatilayotgani bois ertapishar bodom daraxtida gullash holatlarini keltirib chiqargan.

“Mazkur kunlarda janub viloyatlarda harorat maksimumlari 20 daraja iliqqacha ko‘tarildi. Yuqoridagi holat, tabiiyki, ommaviy gullash emas. Ammo bunaqa issiq kunlar yana ikki uch kun davomiy kuzatilsa, janub va voha hududlarida bodom daraxtlarida gullash hodisalari kuzatilishi ham bor gap. Bu kelasi yil hosili uchun yomon”, – deydi mutaxassis. 

• Qashqadaryo
• qiziqarli