Joriy yil 27-noyabr kuni soat 16:10 larda Qashqadaryo viloyati Chiroqchi tumani hududida qoidabuzarligi uchun to‘xtatilgan 1998 yilda tug‘ilgan Lacetti haydovchisi H.A. IIO xodimlarining qonuniy talabiga bo‘ysunmay, atrofdagilarning hayoti va sog‘lig‘iga xavf solgan holda voqea joyidan qochib ketishga uringani haqida xabar berilgan edi.

IIV Matbuot kotibi Shoxruh Gʻiyosovning ma’lum qilishicha, mazkur holat tegishli tartibda hujjatlashtirilib, avtomobil vaqtincha saqlash uchun jarima maydoniga joylashtirilgan hamda haydovchiga nisbatan jinoyat ishi ochilgan. 

Haydovchi H.A. ga nisbatan Chiroqchi tumani prokuraturasi tomonidan Jinoyat kodeksining 219-moddasi 1-qismi (Hokimiyat vakiliga yoki fuqaroviy burchini bajarayotgan shaxsga qarshilik ko‘rsatish) bilan jinoyat ishi qo‘zg‘atilgan hamda u JPKning 221-moddasi tartibida ushlangan.

Shuningdek, IIV xodimi Gʻiyosovning eslatishicha, “Ichki ishlar organlari to‘g‘risida” gi qonunga muvofiq, xodimlarga, jinoyatlarga va ma’muriy huquqbuzarliklarga chek qo‘yish uchun jismoniy kuch, maxsus texnika vositalari yohud qurol ishlatish vakolati berilgan.

• IIV
• Jinoyat
• Qashqadaryo
• YPX