Rahbar oʻrinbosari va bir qator shaxslar oʻzaro til biriktirib, korxona mablagʻlarini talon taroj qilgan. Bu haqda Iqtisodiy jinoyatlarga qarshi kurash departamenti xabar berdi.  

Qayd etilishicha, Bosh prokuratura huzuridagi Departamentning Muborak tuman boʻlimi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv ishlari oʻtkazilgan. 

Unda, “M-S.” MChJ rahbari oʻrinbosari B.I. va boshqalar oldindan til biriktirib, 2021-yilning mart-oktyabr oylarida MChJning 319,7 mln. soʻm pul mablagʻini bank plastik kartasiga oʻtkazib, oʻzlarining manfaatlari yoʻlida sarflab, talon-toroj qilganliklari aniqlangan.  

Maʼlum qilinishicha, mazkur holat yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) bilan jinoyat ishi qoʻzgʻatilib, tergov harakatlari oʻtkazilmoqda.

• Bosh prokuratura
• Jinoyat
• Qashqadaryo