Qirg‘iziston va O‘zbekiston chegarasida yer osti tunneli topildi.

Qirg‘iziston Milliy xavfsizlik davlat qo‘mitasi xodimlari 20-may kuni O‘sh viloyati Qora-Suv tumani Telman qishlog‘ida Qirg‘iziston va O‘zbekistonni bog‘laydigan umumiy uzunligi 270 metr bo‘lgan yer osti tunnelini aniqladi. Tunnel 15 metr chuqurlikda qazilgan, kirish o‘lchamlari 1,8 m 1,5 metr.

Kirish joyidan chegara chizig‘igacha bo‘lgan masofa esa 40 metr.

Tunnel qazilgan hovli egasi M.A. hozirda Jalolobod viloyatidagi “Qizil-Jar” ruhiy kasalliklar shifoxonasida bo‘lib, uning aqliy sog‘lomligini qayta tekshiruvdan o‘tkazish rejadashtirilmoqda.

Jinoyat qurollari va ashyolari olib qo‘yilgan.

• Chegara
• Jinoyat
• O‘zbekiston
• Qirg‘iziston
• Tunnel