Qo’qon shahridagi Xudoyorxon o’rdasida “Ethnosport challenge – 2022” festivali boshlandi

Tadbirni Turizm va madaniy meros vaziri o’rinbosari Baxtiyor Ibragimov, Qo’qon shahar hokimi Ma’ruf Usmonov hamda O’zbekiston Etnosport assotsiatsiyasi raisi Oybek Norinboyevlar ochib berishdi.

Festival dasturidan bir-biridan qiziqarli milliy xalq o‘yinlari hamda sirk tomoshalari o‘rin olgan. Tadbir ishtirokchilar hamda mehmonlarga unutilmas taassurotlarni hadya etmoqda.

Tadbir davomida hunarmandlar tomonidan ishlangan bir nechta ijod namunalari ko‘rsatildi.

Shuningdek, ijodkor yoshlar o‘zlarining ijod namunalarini namoyish etishdi.

Mazkur festivalda milliy sport turlari vakillari o‘z chiqishlarini ko‘rsatishdi.

Tadbir yarmida esa “Bahodirlar o‘yini” bo‘lib o‘tdi. Bunda respublikamizning bir nechta viloyatlaridan kelgan polvonlar o‘zlarini nimalarga qodir ekanliklarini namoyish etdilar.

• Etnosport
• Festival
• Qo'qon