Qoraqalpog‘iston Respublikasida baliq yetishtirish ko‘lini sotmoqchi bo‘lgan firibgar ushlandi. Bu haqda O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti xabar berdi.

Qayd etilishicha, Departamentning Qoraqalpog‘iston Respublikasi boshqarmasi tomonidan DXX bilan o‘tkazilgan tezkor tadbirda, fuqaro X.Q. “Sh.” fermer xo‘jaligining baliq yetishtirishga mo‘ljallangan 200 gektar yer maydoni hamda baliq saqlash ko‘lini tanishlari orqali rasmiylashtirib berishi evaziga 250 mln so‘mni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.

• Baliqchilik
• Firibgarlik
• Qoraqalpog‘iston