Qozog‘iston respublikasi Adliya vazirligi Respublika Xususiy sud ijrochilari palatasi bilan hamkorlikda Taraz shahrida optimallashtirilgan ijro protsesslarini joriy etish bo‘yicha pilot loyihasini ishga tushirdi. Bu haqda “Kazinform” xabar berdi.
Qayd yetilishicha, bugungacha fuqarolar jarimani o‘z vaqtida to‘lamagan taqdirda, xususiy sud ijrochisiga jarimaning 25 foizigacha to‘lashlari shart bo‘lgan. Endi bu xizmatni robot bepul amalga oshiradi.
Yangi loyiha tufayli fuqarolar 2 milliard tengegacha mablag‘ni tejashlari mumkin. Tizim algoritmi quyidagicha ishlaydi:
· Bosh prokuraturaning Huquqiy statistika va maxsus hisobga olish qo‘mitasi ma’muriy huquqbuzarliklar uchun 50 kun ichida to‘lanmagan jarimalarni undirish to‘g‘risida qaror yuboradi.
· Robot 5 kalendar kun ichida talabni bajarish zarurligi haqida SMS-xabar yuboradi.
· Agar jarimani ixtiyoriy ravishda to‘lov amalga oshirilmasa, tizim xususiy sud ijrochisiga ijro varaqasini taklif qiladi.
· To‘lov o‘z vaqtida amalga oshirilgan taqdirda, ijro ishi qo‘shimcha xarajatlarsiz tugatiladi.
Loyiha muvaffaqiyatli amalga oshirilsa, Qozog‘istonning butun hududida amalga oshirilishi rejalashtirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!