Inson huquqlari bo‘yicha Milliy markaz vakili Bulat Beisov so‘nggi uch yil ichida nikoh qurish maqsadida ayollarni o‘g‘irlash bo‘yicha 200 dan ortiq holat qayd etilganini ma’lum qildi. Bu haqda “Zakon.kz” xabar berdi.

Qayd etilishicha, u qonunchilikka bunday turdagi jinoyatlar uchun jazoni nazarda tutuvchi alohida norma kiritish zarurligini bildirgan.

“Oxirgi 3 yil ichida ayollarni turmush qurish maqsadida o‘g‘irlab ketish holatlari bo‘yicha 200 dan ortiq holat qayd etilgan. Ammo bu holatlar bo‘yicha bor-yo‘g‘i ikkita jinoyat ishi qo‘zg‘atilgan yoki sudgacha tergov harakatlari olib borilgan. Shuning uchun, bizning fikrimizcha, jamoatchilik fikrini inobatga olgan holda, tegishli qarorni ishlab chiqish zarur. O‘zbekiston va Qirg‘izistondagi qo‘shnilarimiz tomonidan ko‘zda tutilganidek, turmush qurish maqsadida ayollar va qizlarni o‘g‘irlash holatlarida alohida qoida joriy etish zarur”, – dedi Bulat Beisov.

• Jinoyat
• Nikoh
• Qozog‘iston