$
10803.97 UZS
-14.03
136.82 UZS
-0.87
12194.44 UZS
-15.84
18° Kechasi

Qozog‘istondan Istanbulga uchgan samolyot favqulodda Urganch aeroportiga qo‘ndi

21:01 / 04.01.2022

Qozog‘istonning “Fly Arystan” samolyoti 4-yanvar kuni zudlik bilan Urganch aeroportiga qo‘ndi. Bu haqida “Uzbekistan Airports” axborot xizmati xabar berdi.

Ma’lum bo‘lishicha, Qozog‘istonning “Fly Arystan” loukoster aviakompaniyasining Turkiston–Istanbul yo‘nalishida KC7425 reysini amalga oshirayotgan samolyoti soat 18:05 da Urganch xalqaro aeroportiga favqulodda qo‘nishni amalga oshirgan.

Bunga sabab yo‘lovchilardan biri — Turkiya fuqarosi shoshilinch tibbiy yordamga muhtoj bo‘lgan. Shundan so‘ng 150 nafar yo‘lovchisi bor samolyotni eng yaqin aeroportga qo‘ndirishga qaror qilishgan. Yo‘lovchi tez yordam mashinasida olib ketilib, malakali tibbiy yordam ko‘rsatish uchun Urganch shahridagi tibbiyot muassasasiga yotqizilgan.

“Fly Arystan” aviakompaniyasining samolyoti yaqin bir necha soat ichida Istanbulga qayta uchishi kutilmoqda.


O‘zbekiston