Oʻzbekistonlik 28 yoshli bokschi, havaskorlar oʻrtasida Osiyo chempioni (2019, 2021), Jahon chempionatining bronza medali sohibi (2019) Bobousmon Boturov 11-dekabr kuni Rossiyaning Yekaterinburg shahrida RCC Boxing promouterlik kompaniyasi tomonidan tashkil etiladigan turnirda ringga koʻtariladi.

Aynan Bobousmon ishtirokidagi jang boks oqshomini ochib beradi. Oʻsha kuni unga mezbonlar vakili Artyom Pugach (1-2-2) raqiblik qiladi.

Ushbu turnirda yana bir oʻzbekistonlik charm qoʻlqop ustasi Abdulaziz Matazimov (14-7, 7 KOs) ham oʻz jangini oʻtkazadi. Xonobodlik bokschi rossiyalik Saveliy Sadoma (1-0)ga qarshi ringga chiqadi.

Besh ming tomoshabinga moʻljallangan DIVS arenadagi kechaning markaziy jangi birinchi oʻrta vazn toifasi reytingida beshinchi oʻrinni egallab turgan rossiyalik Magomed Kurbanov ishtirokida boʻlib oʻtadi. U venesuelalik Xoan Gonsalesga qarshi jang qiladi.

RCC Boxing Production oqshomining toʻliq kardi:

Bobousmon Baturov (debyut) Jizzax, Oʻzbekiston — Artyom Pugach (1-2) Moskva, Rossiya

Saveliy Sadoma (1-0) Komsomolsk-na-Amure, Rossiya — Abdulaziz Matazimov (14-7, 7 KOs) Xonobod, Oʻzbekiston

Georgiy Yunovidov (6-0, 3 KOs) Rostov-na-Donu, Rossiya — Vikapita Meroro (30-13, 15 KOs) Vindxuk, Namibiya

Ivan Kozlovskiy (6-0, 3 KOs) Novosibirsk, Rossiya — Avak Uzlyan (5-1-1, 2 KOs) Dolgoprudniy, Rossiya

Asror Voxidov (10-1, 6 KOs) Sankt-Peterburg, Rossiya — Armen Atayev (7-4-1, 4 KOs) Kislovodsk, Rossiya

Igor Adleyba (13-0-2, 5 KOs) Suxum, Abxaziya — Maksim Chernichuk (4-0, 1 KO) Dmitrov, Rossiya

Elnur Samedov (14-1, 5 Kos) Yekaterinburg, Rossiya — Mussa Golam (19-0, 12 KOs) Ospitalet, Ispaniya

Yevgeniy Tishenko (10-1, 7 KOs) Yekaterinburg, Rossiya — Artur Mann (19-2, 10 KOs) Gannover, Germaniya

Xorxe Linares (47-7, 29 Kos) Barinas, Venesuela — Jora Amazaryan (12-3-2, 9 Kos) Yekaterinburg, Rossiya

Magomed Kurbanov (23-0, 13 KOs) Yekaterinburg, Rossiya — Xoan Gonsales (31-1, 31 KOs) Guyigue, Venesuela

• Boks
• Jahon
• O‘zbekiston