Kecha, 8-fevral oqshomida Yevropaning bir nechta grand klublari turli musobaqalar doirasida oʻz oʻyinlarini oʻtkazishdi. Xususan, “Real Madrid” klublar oʻrtasidagi jahon chempionatida finalga yoʻl oldi.

YeChLning amaldagi gʻolibi, Afrika Chempionlar Ligasi finalchisi “Al Ahli”ni 4:1 hisobida magʻlubiyatga uchratdi.

Madrid klubi sovrin uchun Osiyo vakili “Al Hilol”ga qarshi toʻqnash keladi. Bellashuv 11-fevral kuni oʻtkaziladi. Shu kuni “Al Ahli” “Flamengo” klublari 3-oʻrin uchun bahs olib borishadi.

Klublar oʻrtasidagi JCh | Yarimfinal | 8-fevral

“Al Ahli” (Misr) — “Real Madrid” (Ispaniya) 1:4

Gollar: Maʼlul (65, penalti) — Vinisius (42ʼ), Valverde (46ʼ), Rodrigo (90+2ʼ), Arribas (90+8ʼ).

Shuningdek, kecha Fransiya Kubogi 1/8 final bosqichida ishtirok etgan PSJ musobaqani tark etdi.

“Marsel” oʻz maydonida 2:1 hisobida gʻalaba qozonib, Liga 1 peshqadamini turnirdan chiqarib yubordi. Shu tariqa, Parij klubi qatorasiga ikkinchi yil musobaqani 1/8 finaldayoq tark etdi.

Fransiya Kubogi | 1/8 final | 8-fevral

“Marsel” — PSJ 2:1

Gollar: Sanches (31ʼ, penalti), Malinovskiy (57ʼ) — Ramos (45+2ʼ).

Germaniya Kubogida ham 1/8 final bosqichi bahslari oʻtkazildi. Unda “Borussiya Dortmind” mehmonda “Boxum”dan minimal hisobda ustun keldi va musobaqaning 1/4 final bosqichiga yoʻl oldi.

Germaniya Kubogi | 1/8 final | 8-fevral

“Boxum” — “Borussiya Dortmind” 1:2

Gollar: Shteger (64ʼ, penalti) — Jan (45+1ʼ), Roys (70ʼ).

Oʻz navbatida, Angliya chempionatining 8-turidan oʻrin olgan qoldirilgan bahsda “Manchester Yunayted” oʻz maydonida “Lids”ni qabul qilib, magʻlubiyatdan arang qutulib qoldi.

Shu tariqa Erik Ten Xag boshchiligidagi jamoaning “Old Trafford”dagi 13 oʻyinlik gʻalabali seriyasi yakunlandi.

Angliya Premyer-ligasi | 8-tur | 8-fevral

“Manchester Yunayted” — “Lids” 2:2

Gollar: Reshford (62), Sancho (70) — Nonto (1), Varan (48, avtogol).

• Borussiya
• Futbol
• Manchester Yunayted
• PSJ
• Real