“Barselona” hujumchisi Robert Levandovski “Oltin toʻp”ni qoʻlga kiritish imkoniyatini oshirish uchun ispan jamoasiga oʻtmaganini aytdi.

“Men har doim jamoaning muvaffaqiyati menga motivatsiya berishini aytib kelganman. Individual mukofot – bu yoqimli bonus, lekin men shu sababdan “Barselona”ga kelmadim. Avvalroq, bu haqda OAVda paydo boʻlgan xabarlar yolgʻon”, – deydi Levandovski.

Bahorda 33 yoshli polshalik futbolchi, “Oltin toʻp”ni olish imkoniyatini oshirish uchun “Bavariya”dan “Barselona”ga oʻtmoqchi ekanligi haqida maʼlumot paydo boʻldi.

Levandovski “Barselona” safiga 2022-yilning iyul oyida “Bavariya”dan qoʻshildi. Hujumchi “koʻk-anorranglilar” bilan 4 yillik shartnoma imzoladi.

Robertning ispan klubi safidagi ilk rasmiy oʻyini shu yakshanba, 14-avgust kuni Ispaniya chempionatining 1-turida “Rayo Valyekano”ga qarshi boʻlib oʻtishi mumkin.

• Barselona
• Fikr
• Levandovski