Belgiya terma jamoasi sobiq bosh murabbiyi Roberto Martines Ispaniya terma jamoasida Luis Enrike oʻrnini egallashi mumkin.

Eslatib oʻtamiz, 52 yoshli mutaxassisning shogirdlari Qatarda boʻlib oʻtayotgan JCh-2022da chorak finalga chiqa olmagan, oʻyindan keyingi penaltilar seriyasida Marokash termasiga imkoniyatni boy bergandi (0:0, penaltilar boʻyicha 0:3).

Avvalroq OAVda Luis Enrikening oʻz lavozimini tark etish ehtimoli yuqoriligi haqida xabarlar tarqalgandi.

Onda Cero xabariga koʻra, agar bu haqiqatan ham roʻy bersa, “Qizil fyuri” ustozi roliga daʼvogarlardan biri joriy jahon chempionatida Belgiya termasini guruhdan olib chiqa olmagan Roberto Martines boʻladi.

1-dekabr kuni Martines belgiyaliklar ustozi lavozimini tark etganini eʼlon qildi.

U bilan terma jamoa Rossiyada boʻlib oʻtgan jahon chempionatining yarim finaliga qadar yetib borgan va unda Fransiya termasiga magʻlub boʻlgan, keyin esa uchinchi oʻrin uchun bahsda inglizlardan kuchliroq boʻlib chiqqan edi.

• Belgiya
• Futbol
• Ispaniya
• Jahon chempionati