Irlandiya va Portugaliya terma jamoalari o‘rtasidagi o‘yin bir jihati bilan yodda qolgan edi. Uchrashuvdan so‘ng 11 yoshli qizaloq Addison Uilan maydonga yugurib chiqib, Krishtianu Ronalduni quchoqlagan holda, undan futbolkasini so‘ragan.

‘ESPN’ning ma’lum qilishicha, FM104 radiostansiyasi efirida qizning otasi voqeadan keyin jarima to‘lashi kerakligi aytilgan. Qayd etilishicha, futbolchining o‘zi federatsiyadan buni so‘ragan. Irlandiya futbol federatsiyasi Uilan jazolanmasligi haqida xabar berdi:

“Irlandiya futbol assotsiatsiyasi yosh muxlis Addison Krishtianu Ronaldu bilan sodir etgan voqea uchun jarimaga tortilmasligini tasdiqlaydi”, - deyiladi bayonotda.

Eslatib o‘tamiz, Irlandiya va Portugaliya terma jamoalari o‘rtasidagi uchrashuv 0:0 hisobidagi durang bilan yakunlangan edi.

• Futbol