Krishtianu Ronaldu “Real”ga qaytishni xohladi.

“Manchester Yunayted” bilan shartnoma bekor qilinganidan keyin erkin agent maqomida boʻlgan hujumchi, bu deyarli imkonsiz ekanini tushungan boʻlsa-da, faoliyatini Yevropaning top-klubida davom ettirmoqchi edi.

Portugaliya terma jamoasi JCh-2022dan ketganidan keyin Ronaldu Madrid klubi bazasida mashgʻulot oʻtkazgan.

Marca xabariga koʻra, futbolchi “qaymoqranglilar”dan taklif boʻlishiga umid qilgan, biroq klub bunday qilmagan.

Qayd etish mumkin, Ronaldu 2009-yildan 2018-yilgacha “Real Madrid” safida oʻynagan, bu vaqt mobaynida u ikki marta La Liga va Ispaniya kubogi, toʻrt marta Chempionlar ligasi va boshqa sovrinlarni qoʻlga kiritgan.

Maʼlumot oʻrnida, kecha 37 yoshli futbolchi Saudiyaning “Al-Nassr” klubi bilan shartnoma imzoladi.

Shartnoma ustida hujumchi Rikardo Regufening menejeri ishlagan. Agent Xorxe Mendes unda ishtirok etmagan.

• Futbol
• Real
• Ronaldu